BOLALARDA UCHRAYDIGAN BRONXOOBSTRUKTIV SINDROMNI INTENSIV TERAPIYASIDA INGALYASION TERAPIYANING AHAMIYATI

Bronxoobstruktiv sindrom (BOS) bolalarda o‘tkir nafas yo‘llari kasalliklarining umumiy klinik belgisi sifatida namoyon bo‘lib, bronxlarning yallig‘lanishi, shish va ko‘p miqdorda balg‘am to‘planishi bilan kechadi. Bu holat o‘tkir nafas yetishmovchiligi va gipoksiyaga olib keladi. BOS ayniqsa 3 yoshgacha bo‘lgan bolalarda ko‘p uchraydi, bu esa organizmning anatomik va fiziologik xususiyatlari bilan bog‘liq. Uy sharoitida noto‘g‘ri davolash va shifokor tavsiyalarisiz dori vositalarini qabul qilish holatni yanada og‘irlashtiradi.