BOLALARDA TUG‘MA YURAK NUQSONLARINI DIAGNOSTIK QILISHDA KO‘P SPIRALLI KOMPYUTER TOMOGRAFIYASINING AHAMIYATI

Tug‘ma yurak nuqsonlari (TYN) erta yoshdagi bolalar o‘rtasida o‘limning asosiy sabablaridan biri hisoblanadi. Zamonaviy klinik kardiologiya yurak nuqsonlarining morfometrik ko‘rsatkichlari va anatomik tafsilotlarini aniqlik bilan baholashni talab qiladi. Tasvirlash usullari orasida ko‘p spiralli kompyuter tomografiyasi (MSKT) yurak va qon tomirlarining morfofunksional holati haqida bir vaqtda batafsil ma’lumot berish imkoniyati tufayli yetakchi o‘rin egallaydi. Bu esa jarrohlik tuzatishlarini rejalashtirishda nihoyatda muhim ahamiyat kasb etadi.