BOLALAR TSEREBRAL FALAJIDA TIZZA BO‘GIMI BUKUVCHI KONTRAKTURASINI JARROHLIK USULIDA DAVOLASH SAMARADORLIGI
Referat
Bolalar tserebral falajida (BTF) tizza bo‘gimidagi ortopedik patologiya asosiy turlari sagittal tekislikdagi o‘zgarishlar bo‘lib, ularning eng keng tarqalgani tizza bo‘gimidagi bukilish deformatsiyalaridir. BTF bilan og‘rigan bemorlarda tizza bo‘gimining bukuvchi kontrakturasining (TBBK) rivojlanishi boldir uch boshli mushagining (BUBM) kuchsizligi bilan ham bog‘liq bo‘lishi mumkin, bu asosan axill payining me’yoridan ortiqcha cho‘zilishi natijasidir. Bunday holatda bemor yurish paytida tizza bo‘gimini bukish orqali tovon deformatsiyasini to‘g‘rilashga harakat qiladi, natijada “uch bo‘gimli bukilish” hosil bo‘ladi. Holat ikrasimon mushaklarining sezilarli kuchi bilan murakkablashadi, bu ham tizza bo‘gimining bukilishiga hissa qo‘shadi. BTF bilan og‘rigan bemor harakatlanganda muvozanatini saqlay olmaydi, tizza bo‘gimining bukuvchi kontrakturasi rivojlanishiga hissa qo‘shadi.