TUG‘MA ANOREKTAL NUQSONLARI BO‘LGAN BOLALARDA JARROHLIK ARALASHUVI PAYTIDA NEYROAKSIAL BLOKADALAR QO‘LLANILISHI

Tug‘ma anorektal nuqsonlari bo‘lgan bolalarda mos anesteziologik taktika tanlovi jarrohlik davolashning muvaffaqiyatli yakunlanishi uchun juda muhimdir. Neyroaksial blokadalar, xususan epidural anesteziya, umumiy narkoziya bilan birgalikda qo‘llanganda narkotik analgetiklar va miorelaksantlarga bo‘lgan ehtiyojni sezilarli darajada kamaytiradi. Bu esa bemorning yengilroq uyg‘onishiga, operatsiyadan keyingi tiklanish jarayonining yaxshilanishiga hamda nojo‘ya ta’sirlar xavfining kamayishiga xizmat qiladi.